Ráðlegg Hótel Selfoss að gera hið sama næsta ár!

ALLS EKKI FEMINISTATENGT, Ó NEI!!

 

Málið er að það er löngu komin tími til að sleppa úr keppni til að hækka meðalaldurinn hér á Suðurlandi. Það er ekki fallega gert að taka stelpur inn í keppnina sem eru nánast með til að fylla upp í fjöldann, auðvitað verður aldrei hjá því komist samt og það er staðreynd.

Ungrú Suðurland sem valin var á föstudagskvöldið sl er falleg, enda af fallegu fólki komin. Amma hennar og afi á Hellu eru myndarfólk og mjög skemmtileg. Hún er 21 á árinu og er það flottur aldur. Ég hitti stundum stelpur sem verða 18 á árinu sem keppnin er haldin og eru búnar að láta skrá sig í keppnina, ég hef margoft sagt við þær, bíddu í tvö ár... allar segja þær já þegar ég er búin að rökstyðja mál mitt, en flestar enda þær í keppninni, með barnaspikið og óþroskaðar andlega og líkamlega. Í gegnum árin sem ég starfaði við Suðurlandskeppnina, fyrst sem aðstoðarmanneskja (1986-1990), sá um hárgreiðsluna og svo í restina í 5 ár (1991-1996) sem framkvæmdarstjóri horfði ég á margar stelpur klúðra tækifæri sínu að komast á pall því þær vildu ekki bíða. Síðan tveimur til þremur árum síðar sá maður þessar stelpur sem þá höfðu þrokast og fullorðnast og litu út eins og drottningar. Sama er að gerast í dag. Sl árin hef ég setið af og til í dómnefnd og hef ég alltaf reynt að fylgjast með þó komi ekki nálægt.

Í fyrra og einnig í ár benti ég tveimur gullfallegum og efnilegum stelpum á að bíða.. en nei, þær tóku þátt. Þær hefðu átt að bíða til næsta árs, þ.e 2009, þá á 19. (helst til 2010) og 21. ári.

Oft hefur mér fundist eins og stúlkurnar sem koma frá Suðurlandi og fara í Ungfrú Ísland gleymist hjá dómnefndinni, nema Hugrún Harðar - enda ekki séns að sé hægt að ganga framhjá henni, þvílík fegurð og í flottasta kjól ever á báðum keppnum. En við höfum oft sent fallegar stelpur, t.d Sirrý Einars og María Katrín sem komust ekki á pall og var það óskiljanlegt, auðvitað voru þær fleiri en ég man bara ekki í augnablikunu hverjar

Jæja ætla að fá mér smá kríu - það er að hellast í mig kvef og slappleikinn er ekki að minnka - ég veit svei mér þá ekki hvað ég á að gera til að ná heilsunni upp aftur. Fór út í gær - hundlaus- og gekk og hljóp til skiptis, stefnan er tekin á að ná upp orkunni og byrja að æfa hlaup daglega helst. Það er ekkert grín að fá heilahimnubólguvírus og lunganbólgu samtímist, en sem betur fer var það ekki alvarlegra en það - rúmt ár síðan og ég að fá einhver eftirköst vegna þessa. Vantar að koma orkunni, þolinu og þreytunni úr mér. Og hana nú!! Maður á ekki að kvarta yfir svona tittlingaskít því þetta er ekkert alvarlegt.

Eigið góðar stundir. Ég ætla að ýta á´senda og birta án þess að ritskoða skrif mín og innsláttarvillur.

p.s hvað er hægt að gera við hrjótandi hundi? Ekki dugar þar að taka úr nef og hálskirtla

 

Engin keppni um ungfrú Austurland