SAKLAUS UNS SEKT ER SÖNNUÐ!!

...og því ætla ég að trúa þar til/EF annað kemur í ljós. Svo einfalt er það. Séra Gunnar sá um fermingafræðslu sonar míns í vetur og eru börnin miður sín fyrir hans hönd og styðja hann alfarið. Séra Gunnar er einstaklega hlýr maður, blíður, kurteis og innilegur.

Mér ásamt öllum þeim sem ég hef rætt við sl daga finnst sérlega ósmekklegt hjá organista að koma fram með þá yfirlýsingu sem er á www.visir.is. Hann talar þar m.a annars um að hann beri virðingu fyrir séra Gunnari, -kjaftæði- ef svo væri þá hefði hann átt að hafa vit á því að þegja en ekki að lepja "fréttum" í fjölmiðla. Hver er tilgangurinn?  ..fá athygli? Svei attan þér!!

Þarna tel ég að sé stormur í vatnsglasi. Fólk er fljótt að dæma - sér bara svart og ákærir án dóms og laga. Nú þegar er búið að skemma heiður og æru þessa ágæta manns.

Saklaus uns sekt hefur sannast!!!  

Ekki misskilja, ég er alls ekki að verja á neinn hátt þann viðbjóð sem kynferðisglæpur er, en í þessu tilfelli vil ég sjá sönnun áður en felli minn dóm.

Punktur!

 

Þriðja stúlkan kærir sóknarprestinn á Selfossi

Athugasemdir

[Guðrún Jónína Magnúsdóttir (IP-tala skráð) 7.5.2008 kl. 00:03]

Ég verð alltaf jafn niðurdregin þegar ég sé fréttir eins og þessa um séra Gunnar. Enn verra finnst mér þó þegar fólk leyfir sér að blogga eins og gert er undir þessa frétt. Þorsteinn Valur Baldvinsson virðist þar leggja áreitni og misnotkun að jöfnu og hirðir ekkert um regluna ,,saklaus uns sekt er sönnuð"

Það breytir ekki því áliti mínu að hafi stúlkunum verið eins brugðið og organistinn lýsir þegar þær komu aftur úr klósettferðum eftir að hafa lent í séra Gunnari, þá hefur átt sér stað þarna áreitni sem prestinum hefur mæta vel verið ljóst að var óviðurkvæmileg. Verjandi hans bregður fyrir sig vægast sagt lélegri varnartaktik (leyfi mér að sletta hér) með því að segja að unglingsstúlkur beri oft ekki skynbragð á hvað sé í lagi í nálgun við hitt kynið og hvað ekki. Maðurinn þarf greinilega að kynna sér meðalgreindarvísitölu Íslendinga. Þvílíkt bölvað rugl! Áreitni, hvort sem hún er kynferðisleg eða ekki gengur út á það að fara inn fyrir persónuleg mörk fórnarlambsins og gera á hlut þess. Atferlið snýst um vald en ekki greddu svo ég tali nú bara hreina íslensku hér.

Ef sá sem verður fyrir ákveðnu atferli biðst undan því, lætur sem sagt kvalara sinn vita að hann vilji ekki svona athæfi, þá er hann búinn að láta í ljós að hann vill ekki tiltekið athæfi. Sé það haft í frammi aftur er um áreitni að ræða. Í grófari tilvikum er um áreitni að ræða þó aðeins eitt skipti komi til svo framarlega sem athæfið særir blygðunarkennd og velsæmisvitund þess sem verður fyrir því.

Í mínum huga hafa þessar stúlkur því orðið fyrir áreitni. Ég spyr mig þeirrar áleitnu spurningar hvað klerki gekk til að faðma og kyssa unglingsstúlkur sem hann sá nær daglega í hvert sinn sem þær fóru á klósettið, hann er kannski með einhverja klósettferðaduld sem sálfræðingar hafa enn ekki náð að skilgreina.

Í tengslum við þetta umræðuefni, dettur mér alltaf í hug viðtal sem ég sá í sjónvarpinu fyrir margt löngu, þar töluðust við Guðrún Jónsdóttir félagsfræðingur og þáverandi forstöðukona Stígamóta og Örn Clausen lögfræðingur. Örn hélt því blákalt fram í þessu viðtali að Kaldar eiginkonur sem sinntu ekki þörfum manna sinna ættu sök á því að þeir leituðu á dætur sínar. Ég legg ekki meira á bloggheim í dag enda nóg komið að sinni.

Megi réttvísin sigra

[HDN (IP-tala skráð) 7.5.2008 kl. 00:17]

Bíddu nú við Guðrún Jónína, hvernig færðu þetta út frá boggi Þorsteins Vals? Ertu ekki örugglega læs? Þorsteinn Valur er þarna að vitna í málið með háskólaprófessorinn en hann er í raun að tala um misnotkun barna almenn. Skil ekki hvernig þú getur fengið út úr þessu að hann leggi "áreitni og misnotkun að jöfnu og hirðir ekkert um regluna saklaus uns sekt er sönnuð." Hann segir m.a. "Séu þessar ásakanir staðfestar með dómi..."

Þú ert alveg úti á túni með þetta Guðrún Jónína.

[Jónas V. (IP-tala skráð) 7.5.2008 kl. 00:25]

Mín skoður er að það ætti ekki að vera hægt að kommenta á svona fréttir hjá mbl. Þetta á bara að fara fram hjá dómstólum. Margir eru farnir að dæma þá aðila sem að tengjast svona málum og þá er ég að tala um alla sem tengjast málinu og það er ekki gott fyrir neinn.

[Solveig Pálmadóttir, 7.5.2008 kl. 00:33]

Guðrún Jónína! Ég spyr þig, þekkir þú ekki væntumþykju, hlýju, faðmlög og koss á kinn? Ég kyssi alltaf og faðma prestinn í "minni" sveit sem reyndar er kona, en ég kyssi og faðma manninn hennar líka við sömu tækifæri.

[kristjan (IP-tala skráð) 7.5.2008 kl. 02:15]

Saklaus unz sekt er sönnuð. Mér finnst viðtal við organistan á Vísi út í hætt og hann varð ekki vitni að neinu virðist vera. Skil ekki þetta grein þar. Á ekki rétt á sér finnst mér.

Engu að síður þarf að skoða þetta mál og vonandi er þetta bara misskilningur. Mér finns leitt ef hlýtt viðmót veldur svona misskilningi ídag. Vona að þetta sé vitleysa en ekki satt. Ekki kykunnar maður hér en engu að síður þá skulum við passa okkur á að hlaupa ekki á neinar fyrirfram skoðanir hér.

Svo þætti mér gaman að fá skilgreiningu á orðinu kynferáreitni. Er orðin svo ruglaður í þessu öllu saman. Ég var oft klipinn í rassin og fékk kommentera um "sætan rass" af kvenkyns vinnufélugum í den. Er það áreiti? Veit ekki en mér var ekki skemmt yfir því.

[Brynjar Jóhannsson, 7.5.2008 kl. 03:29]

Ég trúi ekki að þú skulir segja þetta. Það eru þrjár stelpur búnar að senda inn kæru. Heldur þú virkilega að einhver stúlka kæri að ástæðulausu karlmann fyrir kynferðislega áreittni ? Ég leyfi mér að fullyrða að þessi maður hlítur að hafa eitthvað óhreint í pokahorninu og er sannfærður fyrst svona margar stúlkur séu búnar að gefa sig fram að hann sé sekur. Mér finnst mjög sorglegt ef þú ert svona blind að segja "Saklaus uns sekt er sönnuð" vegna þess að börnin þín lentu ekki í honum.  OG reyna að verja þetta með væntum þyggju. Ég segi frekar að þessi maður sé SEKUR uns sakleysi hans er SANNAÐ. það eru OF MÖRG VITNI KOMIN GEGN HONUM TIL ÞESS AÐ REYNA AÐ FÁ ÞAÐ ÚT AÐ ÞETTA SÉ LENGUR TILVILJUN:

[Helga Dögg (IP-tala skráð) 7.5.2008 kl. 09:39]

Sæll Brynjar og fleiri.

Já stúlkur kæra að ástæðulausu karlmann fyrir áreitni og jafnvel nauðgun. Hef rætt við nokkrar mæður sona sem hafa lent í  ástæðulausri kæru. Þeir vilja ekki leggja fram mótkæru þar sem málin taka langan tíma og það áfall að fá á sig ákæru að ástæðulausu er í engu minni en að lenda í slíku afbroti. Minni á dóm sem stúlka fékk ekki alls fyrir löngu þar sem stúlka kærði sjómann fyrir nauðgun, uppspuni.

Mun fleiri mál er að finna af þessum toga en almenningur veit um. Múgsefjun er síðan eitt fyrirbæri sem þarf að skoða í tengslum við slík mál og á hvern hátt er hægt að beina spurningum í þann farveg að eitthvað  óhreint komi fram, ef ég má orða það svo. Ekki tek ég afstöðu í þessu ákveðna dæmi, bíð þar til sekt er sönnuð og þá hef ég forsendur til að tjá mig um umrætt mál, fyrr ekki.

Með kveðju, Helga Dögg

[Jóhanna Magnúsar- og Völudóttir , 7.5.2008 kl. 10:46]

Það er gott að fá svona mótvægi, Solveig,  inn í þessa grimmu umræðu.

[Guðrún Jónína Magnúsdóttir (IP-tala skráð) 19.5.2008 kl. 00:33]

þetta eru skelfilegar fréttir sem berast af presti þjóðkyrjunar og prófessor í Háskóla Íslands, sem hefur víst ítrekað nauðgað 4 dætrum sýnum og syni, svo árum skiptir, samkvæmt þessari frétt :

Þetta er orðrétt úr bloggi Þorsteins Vals. Síðar talar hann um að vana eða setja öklaband á brotamenn og fleira í þeim dúr.

Reyndar var ég ekki að dæma séra Gunnar, heldur benda á samviskulausan málflutning lögfræðings hans. Lögfræðingar þessara þriggja stúlkna hafa ekki verið að tjá sig í fjölmiðlum um málsatriði, hvað þá stúlkurnar sjálfar.